AZƏRBAYCAN XALQININ XİLASKAR OĞLU
Tədbir iştiraşçıları, əvvəlcə, şəhərin mərkəzi meydanında ucaldılmış Heydər Əliyev abidəsi önünə gül-çiçək dəstələri düzmüş, böyük öndərin xatirəsini ehtiramla yad etmişlər.
Mərasimdə ümummilli liderimizin xatirəsi bir dəqiqəlik sükutla yad edilmişdir.
Lənkəran Şəhər İcra Hakimiyyəti başçısının müavini İlkin Rəhimov “Ümummilli liderin həyat yolu” mövzusunda məruzə etmişdir.
Çıxış edənlər xalqımızın milli iftixarı, ümummilli liderimiz Heydər Əliyevin Azərbaycana rəhbərlik etdiyi dövrlərdə ölkəmizdə bütün sahələrdə qazanılan nailliyətləri böyük öndərin gərgin və şərəfli əməyinin, öz xalqına və Vətəninə sədaqətlə xidmətinin nəticəsi kimi səciyyələndirmişlər.
Bildirilmişdir ki, Heydər Əliyev siyasi məktəbinin layiqli davamçısı Prezident İlham Əliyevin ölkəmizdə iqtisadiyyatın davamlı inkişafını təmin etmək və əhalinin sosial rifahını yaxşılaşdırmaq barədə imzaladığı Fərman və sərəncamları xalqa göstərilən dövlət qayğısının təzahürüdür.
