Azərbaycanda intellektual potensialın təhlükəsizliyinin təmin olunması ilə bağlı tədqiqatlar aparılır
Bakı, 7 avqust, AZƏRTAC
İnkişaf etmiş ölkələrlə müqayisəli analiz aparmaqla Azərbaycanda intellektual potensialın qiymətləndirilməsi, intellektual potensialın təhlükəsizliyinin təmin olunması ilə bağlı tədqiqatlar davam etdirilməlidir.
AZƏRTAC xəbər verir ki, bu barədə AMEA-nın vitse-prezidenti, İnformasiya Texnologiyaları İnstitutunun baş direktoru, akademik Rasim Əliquliyev Elmi Şuranın növbəti iclasında məlumat verib.
Müvafiq istiqamətdə beynəlxalq təcrübənin öyrənilməsinin əhəmiyyətindən söz açan alim institutda aparılan araşdırmaların hər birinin aktual elmi problemlərə həsr olunduğunu vurğulayıb. Baş direktor tədqiqatların elmi-nəzəri nəticələrinin nüfuzlu elmi jurnallarda nəşr olunmasının zəruriliyini qeyd edib.
Bölmənin digər xəbərləri
