Azərbaycandan Gürcüstana keçmək istəyən Nigeriya vətəndaşı saxlanılıb
Bakı, 3 yanvar, AZƏRTAC
Yanvar ayının 2-də saat 21:00 radələrində Dövlət Sərhəd Xidmətinin Sərhəd Qoşunlarının “Zaqatala” sərhəd dəstəsinin Balakən rayonunun Poçtbinə kəndi yaxınlığında yerləşən sərhəd zastavasının xidməti ərazisində Azərbaycan Respublikasından Gürcüstan istiqamətində dövlət sərhədini pozmağa cəhd göstərən 1 (bir) nəfər Nigeriya vətəndaşı saxlanılıb.
DSX-nin mətbuat xidmətindən AZƏRTAC-a bildiriblər ki, araşdırma zamanı saxlanılan şəxsin ölkə ərazisinə rəsmi qaydada gəlməsi, dövlət sərhədini pozaraq Azərbaycandan Gürcüstana, oradan isə Avropa ölkələrindən birinə miqrasiya etmək niyyətində olduğu müəyyənləşib.
Fakt üzrə əməliyyat-istintaq tədbiri davam etdirilir.
Bölmənin digər xəbərləri
