Azərbaycanı Gimnaziadada təmsil edəcək boksçular müəyyənləşib
Bakı, 3 aprel, AZƏRTAC
Azərbaycanı Serbiyanın Zlatibor şəhərində keçiriləcək Gimnaziada İdman Oyunlarında təmsil edəcək boksçular müəyyənləşib.
Azərbaycan Boks Federasiyasından AZƏRTAC-a bildirilib ki, kadetlərin böyük məşqçisi Vüqar Məmmədov və məşqçi Samir Məmmədov multiidman yarışında Babək Abdullayev (40 kiloqram), Kazım Baxışov (42 kiloqram), Azad Məmmədli (44 kiloqram), Məmməd Həsənli (46 kiloqram), Amin Həsənov (48 kiloqram), İsmayıl Aslanlı (50 kiloqram), Yusif Əli (52 kiloqram), Nəriman Əli (54 kiloqram), Sabir Rüstəmov (57 kiloqram), Sərxan Haqverdiyev (63 kiloqram), Nurlan Müseyibli (66 kiloqram), Zirəddin Rüstəmli (70 kiloqram), Mehran Rəsulov (75 kiloqram) və Yusif Ağakişiyevə (80 kiloqram) şans verəcək.
Yarışda qızlardan ibarət millinin baş məşqçisi İlkin Ağayevin rəhbərliyi altında isə Nəzrin Abdullazadə (38 kiloqram), Tunca Mürşüdova (40 kiloqram), Aişə Muradova (44 kiloqram), Ayşən Miriyeva (46 kiloqram), Nuray Qafarova (48 kiloqram), Leyla Mahmudlu (51 kiloqram), Kəmalə Həsənova (54 kiloqram) və Xumar Cəfərli (70 kiloqram) rinqə çıxacaqlar.
Qeyd edək ki, Oyunlarda boksçuların mübarizəsinə aprelin 7-də start veriləcək və 6 gün sonra yekun vurulacaq. Komanda Serbiyaya aprelin 4-də yollanacaq.
Bölmənin digər xəbərləri
