AZƏRBAYCANIN 7 BOKSÇUSU 1/8 FİNALA ÇIXMIŞDIR
AZƏRTAC xəbər verir ki, avqustun 17-də gecə Azərbaycanın daha bir boksçusu – 51 kiloqram çəki dərəcəsində çıxış edən Ağasi Məmmədov Olimpiadada ilk görüşünü keçirmişdir. Rəqibi, gənc Avstraliya boksçusu Coel Brunker təcrübəli rəqibinə ciddi müqavimət göstərə bilməmişdir.
İlk iki raundda cəmi 2 xal qazanan Avstraliya idmançısı 3-cü raundda da fərqlənməmişdir. Üçüncü raundun ortalarında 20 xal üstünlüyə malik olan Ağasi Məmmədov təmiz qələbə qazanmışdır.
1/8 finalda onun rəqibi bolqarıstanlı Detelin Dalakliyev olacaqdır.
Bölmənin digər xəbərləri
