Azərbaycanın daha bir qadın güləşçisi dünya çempionatında mübarizəyə başlayır
Bakı, 16 sentyabr, AZƏRTAC
Bu gün Azərbaycanın daha bir güləşçisi Xorvatiyanın paytaxtı Zaqrebdə keçirilən dünya çempionatında mübarizəyə başlayacaq.
AZƏRTAC xəbər verir ki, 57 kiloqramda çıxış edən qadın güləşçi Jalə Əliyeva qüvvəsini sınayacaq.
Yarışa 1/8 finaldan başlayacaq idmançının rəqibi hələlik bəlli deyil.
Qeyd edək ki, daha əvvəl Azərbaycanın sərbəst güləşçilərindən Giorgi Meşvildişvili (125 kiloqram) gümüş, Nürəddin Novruzov (61 kiloqram), Arseni Cioyev (86 kiloqram) və Osman Nurməhəmmədov (92 kiloqram) bürünc medal qazanıblar.
Dünya çempionatına sentyabrın 21-də yekun vurulacaq.
Bölmənin digər xəbərləri
