Azərbaycanın əldə etdiyi bütün uğurlara görə ulu öndər Heydər Əliyevə borcluyuq
Bakı, 12 dekabr, AZƏRTAC
Dekabrın 12-də Fəxri xiyabana ziyarətə gələnlər dünya şöhrətli siyasətçi, ümummilli lider Heydər Əliyevin Azərbaycana rəhbərlik etdiyi uzun illər ərzində Vətəni, xalqı qarşısında misilsiz xidmətlərinə görə ona minnətdarlıq etməyi unutmur, dahi şəxsiyyətlə bağlı xatirələrini, təəssüratlarını bölüşürdülər.
Belə insanların arasında olan Azərbaycan Qadınlar Cəmiyyətinin hüquq mühafizə işləri üzrə sədri Gülbahar Məmmədova AZƏRTAC-a müsahibəsində bildirib ki, dahi şəxsiyyət Heydər Əliyev xalqımız üçün misilsiz işlər görüb.
Ulu Öndərin uzaqgörən və məqsədyönlü siyasəti nəticəsində Azərbaycan xalqı demokratik və hüquqi dövlətdə yaşamaq imkanı əldə edib. Ulu Öndərin ideyalarını uğurla davam etdirən Prezident İlham Əliyevin rəhbərliyi ilə ölkəmiz ictimai-siyasi, iqtisadi və mədəni inkişafa nail olub, onun beynəlxalq aləmdə nüfuzu artıb.
Azərbaycanın əldə etdiyi bütün uğurlara görə hər birimiz Ümummilli Liderə borcluyuq. Bu gün Fəxri xiyabanda gördüyünüz bu izdiham əvəzsiz şəxsiyyətin xatirəsinə sonsuz hörmət və ehtiramın ifadəsidir.
Bölmənin digər xəbərləri
