Azərbaycanın iki güləş hakimi I kateqoriyaya yüksəlib
Bakı, 16 avqust, AZƏRTAC
Azərbaycanın iki güləş hakiminin kateqoriyası dəyişib.
Federasiyadan AZƏRTAC-a verilən məlumata görə, Bəşir İsazadə və Həbib Nurulu 12-18 iyunda Albaniyanın paytaxtı Tiranada təşkil olunan U-17 Avropa çempionatında nəzəri və praktiki təlimlərdə etimadı doğrultduqları və görüşləri yüksək səviyyədə idarə etdikləri üçün I kateqoriyaya yüksəliblər.
Bununla da bu kateqoriyada yer alan hakimlərimizin sayı 8-ə çatıb.
Qeyd edək ki, güləşdə beynəlxalq dərəcəli hakimlik 4 kateqoriyadan (I-S, I, II, III) ibarətdir.
Bölmənin digər xəbərləri
