Azərbaycanın müdafiə naziri Beynəlxalq Müdafiə Sərgisində iştirak etmək üçün Türkiyədə səfərdədir
Bakı, 5 may, AZƏRTAC
Azərbaycanın müdafiə naziri general-polkovnik Zakir Həsənovun başçılıq etdiyi nümayəndə heyəti “İDEF-2015” Beynəlxalq Müdafiə Sərgisində iştirak etmək üçün Türkiyənin İstanbul şəhərində səfərdədir.
Müdafiə Nazirliyinin mətbuat xidmətindən AZƏRTAC-a bildiriblər ki, nümayəndə heyəti sərginin pavilyonlarına baxış keçirəcək, müxtəlif ölkələrin və müdafiə sənayesi şirkətlərinin silah, texnika və hərbi avadanlıq istehsalı sahəsində əldə etdikləri nailiyyətlərlə tanış olacaq.
Sərginin keçirildiyi günlərdə bir sıra ikitərəfli görüşlər, o cümlədən Türkiyə Silahlı Qüvvələrinin Quru Qoşunları komandanı, ordu generalı Hülusi Akar ilə görüş planlaşdırılıb.
Bölmənin digər xəbərləri
