Azərbaycanın Müdafiə Nazirliyi: Silah gücü düşmənlə danışılacaq yeganə dildir
Bakı, 31 may, AZƏRTAC
Azərbaycan Ordusu işğal olunmuş əraziləri azad etmək üçün güc tətbiqi hüququndan mütləq istifadə edəcək.
Bunu AZƏRTAC-ın sorğusuna cavab olaraq Azərbaycan Respublikası Müdafiə Nazirliyinin mətbuat xidmətindən bildiriblər.
Qeyd edilib ki, görüləcək tədbirlər 2015-ci, 2016-cı və 2018-ci illərdəki ilə müqayisədə daha sarsıdıcı və dağıdıcı olacaq. Düşmən böyük itkilər verəcək və bu da öz növbəsində, onun tamamilə məğlubiyyətinə gətirib çıxaracaq.
“Düşmənlə danışmağın yeganə dili silah gücüdür və biz bundan istifadə edərək Ermənistanın işğalçı qüvvələrini ərazilərimizin hüdudlarını tərk etməyə məcbur edəcəyik. Azərbaycan əsgəri silahının gücü ilə buna mütləq nail olacaqdır”, - deyə nazirliyin açıqlamasında bildirilib.
Bölmənin digər xəbərləri
