Azərbaycanın Qarabağla bağlı mövqeyi konstruktiv və qətiyyətlidir - Deputat
Bakı, 5 avqust, AZƏRTAC
Prezident İlham Əliyevin beynəlxalq platformalardan səsləndirdiyi fikirlər, eləcə də həm yerli, həm də xarici telekanallara müsahibələri tarixi həqiqətlərə əsaslanır. Çünki dövlətimizin başçısının mövqeyi daim konstruktiv və qətiyyətli olub. Azərbaycan Prezidenti iyulun 22-də Şuşada “Euronews” televiziyasına müsahibəsində bir çox tarixi reallıqları və xüsusi məqamları qeyd etdi.
Bu fikirləri AZƏRTAC-a açıqlamasında Milli Məclisin deputatı İlham Məmmədov söyləyib.
Deputat bildirib: “Müsahibə zamanı söylənilən həqiqətlər onu deməyə əsas verir ki, Azərbaycan Prezidenti doğma Qarabağ ərazisində yaşayan azsaylı ermənilərə tarixi bir şans verib. Onlar ya bu tarixi şansdan yararlanacaq, ya da Qarabağı tərk edəcəklər. Azərbaycan öz haqq məsələsini qalibiyyətlə həll etdi. İndi isə Azərbaycan regiona davamlı sülhün gəlməsi üçün təkliflər irəli sürüb. Ermənistanın yeganə çıxış yolu sülh müqaviləsini imzalamaq və separatizm meyillərindən əl çəkməkdir. Əks təqdirdə, revanşist cəhdlər olarsa, bütün erməni separatçılar yaxşı bilirlər ki, “Dəmir yumruq” yerindədir”.
Bölmənin digər xəbərləri
