Bahar Muradova: Yüzlərlə vətəndaş cəmiyyəti təşkilatları ilə sıx əlaqə saxlayırıq
Bakı, 6 iyul, AZƏRTAC
Ailə, Qadın və Uşaq Problemləri üzrə Dövlət Komitəsi 10-dan artıq dövlət qurumu və yüzlərlə vətəndaş cəmiyyəti təşkilatları ilə sıx əlaqə saxlayır.
AZƏRTAC xəbər verir ki, bunu Ailə, Qadın və Uşaq Problemləri üzrə Dövlət Komitəsinin sədri Bahar Muradova iyulun 6-da “İctimai iştirakçılıq: Təşəbbüslər və yeni çağırışlar” mövzusunda keçirilən tədbirdə deyib.
Dayanıqlı inkişaf məqsədləri üzrə hədəflərə çatmağın imkanlarından danışan komitə sədri bildirib ki, qarşıya qoyulan vəzifələrin yerinə yetirilməsi üçün dövlət qurumları, vətəndaş cəmiyyətlərinin birgə işləməsi çox mühümdür. Vurğulanıb ki, regionda mövcud reallıqlar fonunda bu, daha da vacibdir.
"Məişət zorakılığı, erkən nikah, məcburi əməyə cəlbetmə və digər bu kimi hallar insan hüquqlarının pozulmasıdır", - deyə Bahar Muradova qeyd edib.
Bu cür halların qarşısının alınması üçün maarifləndirmə işlərinin genişləndirilməsinin vacibliyini vurğulayan komitə sədri bildirib ki, vətəndaş cəmiyyətinin nümayəndələri də bu məsələdə aktiv iştirak etməlidirlər.
Bölmənin digər xəbərləri
