Bakı Şəhəri üzrə Təhsil İdarəsinə ötən ay 18 min 538 müraciət daxil olub
Bakı, 3 avqust, AZƏRTAC
Bakı Şəhəri üzrə Təhsil İdarəsinə (BŞTİ) iyul ayı ərzində 18 min 538 müraciət daxil olub. Daxil olan müraciətlərin əksəriyyəti cavablandırılıb və operativ şəkildə həll olunub.
Bu barədə AZƏRTAC-a BŞTİ-dən məlumat verilib. Bildirilib ki, statistikaya əsasən, Çağrı Mərkəzinə (146-1 nömrəli) 12 334 zəng daxil olub. Vətəndaşların Qəbulu Mərkəzinə 3 633 müraciət daxil olub.
BŞTİ-yə 2 096 sənəd (vətəndaşlar tərəfindən 425 ərizə, Elm və Təhsil Nazirliyindən 259, digər qurumlardan 154, tabelikdə olan təhsil müəssisələrindən 355 məktub və 903 kadr ərizəsi) daxil olub və qeydiyyata alınıb. Həmçinin 475 elektron müraciətə baxılıb.
Daxil olan müraciətlər müxtəlif məsələlərin tənzimlənmə qaydalarının öyrənilməsi, məktəbəqədər təhsil müəssisələrinə qəbul, müəllimlərin əmək müqaviləsinin müddətinin uzadılması, işə qəbul və digər məsələləri əhatə edir.
Bölmənin digər xəbərləri
