Bakıda havanın maksimal temperaturu iqlim normasından 2.5° aşağı olub
Bakı, 11 sentyabr, AZƏRTAC
Milli Hidrometeorologiya Xidmətinin sentyabrın 11-nə olan məlumatına əsasən ölkə ərazisində müşahidə olunan güclü külək səhər saatlarından zəifləyib. Bəzi yerlərdə şimşək çaxıb, arabir leysan xarakterli yağış yağıb.
Xidmətdən AZƏRTAC-a verilən məlumata görə, düşən yağıntının miqdarı: Astarada 31, Lənkəranda 21, Yardımlıda 9, Qusar, Qax (Sarıbaş), Naxçıvan, Şahbuz, Ordubad, Ağdam, Balakən, Quba, Beyləqan, İmişli, Cəfərxan, Biləsuvarda 4 millimetrədək olub.
Qrız, Lerikdə duman müşahidə olunub.
Sentyabrın 10-da Bakıda havanın maksimal temperaturu iqlim normasından 2.5° aşağı olub. Belə ki, Bakıda və Abşeron yarımadasında 23°-dək isti, Naxçıvan Muxtar Respublikasında 26-30° isti, Aran rayonlarında 25-29°, dağlıq rayonlarda 17°-dək isti qeydə alınıb.
Bölmənin digər xəbərləri
