Bakıda “Normandiya-Neman” adlı onlayn sərgi açılıb
Bakı, 11 sentyabr, AZƏRTAC
Bakıda fəaliyyət göstərən Rusiya İnformasiya və Mədəniyyət Mərkəzi (RİMM) 1941-1945-ci illər Böyük Vətən Müharibəsi Mərkəzi Muzeyi tərəfindən hazırlanmış “Normandiya-Neman” adlı onlayn sərgini təqdim edir.
AZƏRTAC bu barədə RİMM-in mətbuat xidmətinə istinadla xəbər verir.
“Normandiya-Neman” Böyük Vətən müharibəsi illərində ümumi düşmənə qarşı Qırmızı Ordu sıralarında vuruşan Fransız aviasiya birləşməsidir. 1942-ci il noyabrın 25-də SSRİ ərazisində fransız aviasiya eskadrilyasının yaradılması barədə SSRİ-Fransa sazişi imzalanıb. Bu, sonradan “Normandiya-Neman” alayına çevrilib.
Sərginin ekspozisiyası “Normandiya-Neman”ın döyüş yolundan, tərkibində vuruşan gənc fransız vətənpərvərlərinin parlaq talelərindən, sovet və fransız pilotlarının döyüş qardaşlığından bəhs edir.
Bölmənin digər xəbərləri
