“BakuBus”: Qadın sürücülərə ilkin dövrlərdə təcrübəli mentorlar dəstək göstərəcək
Bakı, 24 noyabr, AZƏRTAC
Qadınların ictimai nəqliyyat sektorunda sürücü kimi fəaliyyətə cəlb olunması layihəsi çərçivəsində Azərbaycan Yerüstü Nəqliyyat Agentliyi tərəfindən təşkil olunan təlimləri uğurla başa vuran xanım namizədlər “BakuBus” MMC-də sürücü kimi fəaliyyətə başlamaq üçün müraciət etdilər. İşə qəbul prosesində namizədlər tibbi müayinədən, psixoloji qiymətləndirmədən və təhlükəsizlik üzrə uyğunluq yoxlamasından keçdilər. Bütün mərhələləri uğurla tamamlayan xanım namizədlər artıq rəsmi şəkildə “BakuBus” MMC-də işə qəbul olunublar.
AZƏRTAC xəbər verir ki, bunu jurnalistlərə açıqlaması zamanı “BakuBus” MMC-nin mətbuat katibi Əsmər Əliyeva deyib.
Onun sözlərinə görə, işə qəbul prosesində namizədlərə təhlükəsiz idarəetmə təlimi də təşkil olundu.
“Qadın sürücülərə ilkin dövrlərdə təcrübəli mentor sürücüləri dəstək göstərəcək. Xanım sürücülər ilkin mərhələdə 140 və 121 marşrut xətlərində fəaliyyət göstərəcəklər. Sürücülərimiz təlimlərdən sonra bu məsuliyyətli peşəyə yiyələnməyə tam hazırdırlar”, - deyə Ə.Əliyeva vurğulayıb.
Bölmənin digər xəbərləri
