Barbara Zamora: Dayanıqlı mənzil gələcəyin iqtisadi təhlükəsizlik təminatıdır
Bakı, 22 may, AZƏRTAC
Dayanıqlı mənzilə investisiya şəhərlərin iqtisadi və sosial dayanıqlığının gücləndirilməsi baxımından strateji əhəmiyyət daşıyır.
AZƏRTAC xəbər verir ki, bunu Ümumdünya Şəhərsalma Forumunun 13-cü Sessiyası (WUF13) çərçivəsində keçirilən “Yerli xalqların hüquqları” adlı tədbirdə Latın Amerikası və Karib Hövzəsi İnkişaf Bankının (CAF) şəhərsalma üzrə mütəxəssisi Barbara Zamora deyib.
O bildirib ki, CAF son illərdə “Yaşıl Bank” strategiyası çərçivəsində iqlim və şəhərsalma layihələrinə xüsusi diqqət ayırır.
“Qurum 2031-ci ilədək adekvat mənzil strategiyasının həyata keçirilməsi istiqamətində fəaliyyətini genişləndirir. CAF dayanıqlı mənzili yalnız sektoral həll kimi deyil, iqtisadi inkişaf və ərazi balansının təmin olunmasına xidmət edən struktur investisiya kimi qiymətləndirir”, - deyə mütəxəssis vurğulayıb.
Barbara Zamora bildirilib ki, iqlim dəyişikliklərinin təsirlərinə qarşı dayanıqlılığın artırılması üçün qabaqlayıcı tədbirlərin görülməsi xüsusi əhəmiyyət daşıyır.
Bölmənin digər xəbərləri
