Baş katib: İnanıram ki, gimnastlarımız sabahkı finallarda da layiqli çıxış edəcəklər
Şəki, 2 oktyabr, AZƏRTAC
Dünən təsnifat yarışları olmuşdu. Bu gün komanda finalında çıxış etdik. Sevindirici haldır ki, həm qızlar, həm də oğlanlar arasında finalda təmsil olunduq.
AZƏRTAC xəbər verir ki, bu sözləri Azərbaycan Gimnastika Federasiyasının baş katibi Fatimə Şəfizadə jurnalistlərə açıqlaması zamanı deyib.
O, batut gimnastikası üzrə Azərbaycan komandalarının III MDB Oyunlarındakı nəticələrini dəyərləndirib.
“Qızların yarışında istədiyimiz nəticələri əldə etməsək də, oğlanlar bizi sevindirdilər. Azərbaycana gümüş medal qazandırdılar. Beş finalda mübarizəyə davam edəcəyik. İnanıram ki, idmançılarımız sabahkı finallarda da layiqli çıxış edəcəklər. Şəki camaatını gimnastika yarışlarına dəvət edirəm, onları Azərbaycan idmançılarına dəstək olmağa çağırıram”, - deyə baş katib vurğulayıb.
Qeyd edək ki, batut gimnastikası üzrə yarışlara oktyabrın 3-də yekun vurulacaq.
Bölmənin digər xəbərləri
