Basketbol üzrə Türkiyə millisi Avropa çempionatında ikinci qələbəsini qazanıb
Bakı, 29 avqust, AZƏRTAC
Kişi basketbolçuları arasında Avropa çempionatında II turun oyunları davam edir.
AZƏRTAC xəbər verir ki, A qrupunda yer alan Türkiyə millisi ikinci matçında Çexiya ilə üz-üzə gəlib. Riqa şəhərində yerləşən eyniadlı arenada oynanılan matç “ay-ulduzlular”ın 92:78 hesablı qələbəsi ilə başa çatıb.
Ergin Atamanın baş məşqçisi olduğu kollektiv qrupdakı ilk oyununda Latviyanı 93:73 hesabı ilə məğlub etmişdi.
Türkiyə yığması üçüncü görüşünü avqustun 30-da Portuqaliyaya qarşı keçirəcək.
Qeyd edək ki, Avropa çempionatına Kipr, Finlandiya, Polşa və Latviya ev sahibliyi edir. Turnirə sentyabrın 14-də yekun vurulacaq.
Bölmənin digər xəbərləri
