Bəhlul Mustafazadə: Komandada ab-hava yaxşıdır
Bakı, 21 mart, AZƏRTAC
İnanıram ki, Haiti millisinə qalib gələcəyik.
AZƏRTAC xəbər verir ki, bu sözləri futbol üzrə Azərbaycan millisinin futbolçusu Bəhlul Mustafazadə Haiti ilə keçiriləcək yoldaşlıq oyunundan öncə təşkil olunan mətbuat konfransında deyib.
O bildirib ki, rəqibin heyətində yaxşı futbolçular var: "Oyunlarını izləmişik. Məşqlərimizi də yaxşı keçirmişik. Heyətə cəlb olunan yeni simalar da özlərini göstərə bilirlər. Biz də çalışırıq ki, onlara kömək edək. Komandada ab-hava yaxşıdır. Qalib gəlmək istəyirik".
Qeyd edək ki, martın 22-də Mehdi Hüseynzadə adına Sumqayıt şəhər stadionunda keçiriləcək oyun saat 21:45-də başlayacaq.
Bölmənin digər xəbərləri
