Belçikada şirkətlərin üçdəbiri işə qəbul üçün süni intellektdən istifadə edir
Bakı, 19 iyul, AZƏRTAC
Belçikada şirkətlər öz işçi heyətində getdikcə daha çox süni intellektdən istifadə edirlər, şirkətlərin üçdəbiri isə süni intellektlə işə cəlb olunur.
AZƏRTAC Anadolu Agentliyinə istinadən xəbər verir ki, Belçikanın 100 şirkətindən təxminən 30-u yeni kadrları işə götürmək üçün süni intellektdən istifadə edir və bu nisbətin tezliklə yüzdə əlliyə çatacağı gözlənilir. Belçikada görüşən 510 işəgötürənin yüzdə 10-u uzun müddətdir süni intellektdən istifadə etdiklərini, yüzdə 21-i isə bu tətbiqə yeni keçdiklərini bildirib. Şirkətlərin 18 faizi bir il ərzində süni intellekt tətbiqlərinə keçəcəklərini bildiriblər. İşəgötürənlərin yalnız 15 faizi süni intellektin işə qəbula mənfi təsir edəcəyini düşünür.
Bir çox şirkət rəhbərləri süni intellektdən istifadənin işsizliyin artmasına səbəb olacağı ilə bağlı narahatlıqları rədd edirlər. Respondentlərin 15 faizi bu texnologiyanın yaxın iki ildə kadr sayını azaldacağını desə də, 49 faizi süni intellektin yeni iş yerləri yaradacağını ehtimal edir.
Bölmənin digər xəbərləri
