Benilüks Azərbaycanlıları Konqresi Azərbaycan icmalarını öz ətrafında sıx birləşdirməkdə davam edir
Paris, 15 may (AZƏRTAC). Mənzil qərargahı Amsterdamda yerləşən Benilüks Azərbaycanlıları Konqresi Niderland krallığında məskunlaşmış Azərbaycan icmalarının fəaliyyətini əlaqələndirmək məqsədilə onları öz ətrafında sıx birləşdirmək prosesini davam etdirir.
Niderlandın Haarlam şəhərində Şimali Holland Əyalətinin Azərbaycanlılar İttifaqı yaradılmışdır. Yeni yaranan quruma fəal soydaşlarımızdan biri olan Sima Cəfərova sədr seçilmişdir. İttifaqın ətrafında bu əyalətdə yaşayan və dövlətimizin apardığı siyasəti dəstəkləyən vətənpərvər soydaşlarımız toplaşmışlar.
BAK-ın yeni layihəsi əsasında Niderland və Belçika əyalətlərində yığcam şəkildə yaşayan azərbaycanlılar təşkilatlanaraq konqres ətrafında birləşdirilir.
Xatırladaq ki, bir müddət əvvəl BAK-ın nəzdində Brabant Əyalətinin Azərbaycanlılar Məclisi də yaradılmışdır.
Əsgər Əliyev
AZƏRTAC-ın xüsusi müxbiri
Paris
Bölmənin digər xəbərləri
