Bərdədə 78 min 270 ton məhsul tədarük edilib
Bərdə, 9 avqust, AZƏRTAC
Taxıl biçinini başa çatdıran Bərdə rayonunun fermerləri və torpaq mülkiyyətçiləri zəmilərdən 78 min 270 ton məhsul əldə ediblər.
Bərdə Rayon Statistika İdarəsindən AZƏRTAC-ın bölgə müxbirinə bildiriblər ki, 13 min 193 hektar buğda sahəsindən 60 min 385 ton, 4289 hektar arpa sahəsindən 17 min 885 ton məhsul istehsal edilib. Hər hektarın orta məhsuldarlığı buğda üzrə 45,8 sentner, arpa üzrə isə 41,7 sentnerdir.
Hazırda biçilmiş taxıl sahələrində şum qaldırılır.
Bölmənin digər xəbərləri
