“Beşiktaş” öz meydanında “Qalatasaray”ı məğlub edib
Bakı, 30 mart, AZƏRTAC
Türkiyə Superliqasının 29-cu turu davam edir.
AZƏRTAC xəbər verir ki, bu turda İstanbul derbisi baş tutub. “Beşiktaş” öz meydanında “Qalatasaray”ı qəbul edib. İlk hissədə komandalar hərəyə bir dəfə fərqləniblər. Oyunun 66-cı dəqiqəsində “qara qartal” Gedson Fernandeslə önə çıxıb. Bundan sonra oyunda hesab dəyişməyib – 2:1. Beşiktaş derbiden üç xalla ayrılan tərəf olub. Bununla da aktivində 71 xalı olan “Qalatasaray” bu mövsüm ilk məğlubiyyətini alıb. “Fənərbağça” 65 xalla ikinci, ondan 14 xal geri qalan “Samsunspor” isə üçüncüdür. “Beşiktaş” 47 xalla dördüncü yerdədir.
Bölmənin digər xəbərləri
