“Bəxtiyar Vahabzadə əsərlərində poetik vasitələr” - monoqrafiya
Bakı, 25 noyabr, AZƏRTAC
Bakı Dövlət Universitetinin (BDU) Filologiya fakültəsinin Azərbaycan dili və nitq mədəniyyəti kafedrasının dosenti Şəlalə Abasovanın “Bəxtiyar Vahabzadə əsərlərində poetik vasitələr” adlı yeni monoqrafiyası nəşr olunub.
BDU-dan AZƏRTAC-a bildirilib ki, nəşrdə Xalq şairi Bəxtiyar Vahabzadənin çoxşaxəli yaradıcılığı, ictimai-sosial mövzulara yanaşması və əsərlərində istifadə etdiyi poetik vasitələr elmi şəkildə təhlil olunur. Monoqrafiyada şairin fəlsəfi poemalarında və müstəqillik illərində qələmə aldığı şeirlərində cəmiyyətin həyatında baş verən proseslərə, mənəvi və sosial dəyişikliklərə münasibəti, ədalətsizliklərə qarşı vətəndaş mövqeyi xüsusi araşdırma obyektinə çevrilib.
Monoqrafiya elmi işçilər, tədqiqatçılar, müəllimlər, tələbələr, natiqlik sənəti ilə maraqlananlar və geniş oxucu kütləsi üçün nəzərdə tutulub.
Bölmənin digər xəbərləri
