Birinci yeri tutan belaruslu gimnast: Bu medal mənim üçün böyük motivasiyadır
Şəki, 2 oktyabr, AZƏRTAC
Çox xoşbəxtəm. Uzun müddət bu an üçün çalışdıq. Bu medal mənim üçün böyük motivasiyadır.
AZƏRTAC xəbər verir ki, bu sözləri Azərbaycanın ev sahibliyi etdiyi III MDB Oyunlarında batut gimnastikası üzrə qadınların komanda yarışlarında qızıl medal qazanan Belarus yığmasının üzvü Vialeta Bardzilouskaya deyib.
İdmançı yüksək səviyyədə çıxış etdiklərini bildirib: “Komandama görə çox şadam. Yarış zamanı gərgin anlar oldu, amma özümə güvəndim və məşqdə etdiklərimi yerinə yetirdim. Bütün rəqiblərimiz çətin idi. Düşünürəm ki, yaxşı mübarizə getdi. Zal ümumiyyətlə möhtəşəm idi və çox xoşuma gəldi. Şəki Olimpiya Kompleksində təşkilatçılıq yüksək səviyyədədir".
Qeyd edək ki, batut gimnastikası üzrə yarışlara oktyabrın 3-də yekun vurulacaq.
Bölmənin digər xəbərləri
