Bolqarıstanlı gimnast: Ölkəmə qızıl medalla qayıtdığıma görə çox xoşbəxtəm
Bakı, 3 may, AZƏRTAC
Yarışa yaxşı hazırlaşmışdıq. Bunun nəticəsidir ki, ortaya çox yaxşı iş qoyduq.
Bu sözləri AZƏRTAC-a açıqlamasında Bakıda keçirilən bədii gimnastika üzrə Avropa Kubokunun komanda yarışlarında qızıl medal qazanan Maqdalena Valkova deyib.
O, ölkəsinə medalla qayıdacağı üçün sevincli olduğunu bildirib: "Hisslərimi sözlərlə ifadə etmək çətindir. Çox xoşbəxtəm. Çıxış zamanı bir qədər həyəcan var idi. Amma səhvə yol vermədən istədiyimizi nümayiş etdirə bildik. Buraya çempionluq üçün gəlmişdik. Nəhayət, buna nail olduq".
Qeyd edək ki, 25 ölkədən 170-dən çox gimnastın iştirak etdiyi turnirə mayın 4-də yekun vurulacaq.
Bölmənin digər xəbərləri
