BÖYÜK BRİTANİYA İRAQA ƏLAVƏ QOŞUN GÖNDƏRƏ BİLƏR

12.04.2004 [18:15]
Çap et
A⁺ A^-

AZƏRTAC-ın İTAR-TASS agentliyindən aldığı xəbərə görə, Birləşmiş Krallığın müdafiə naziri Ceff Hun jurnalistlərlə müsahibəsində bildirmişdir ki, zərurət olarsa, Böyük Britaniya İraqa əlavə qoşun göndərəcəkdir.

Nazir demişdir: “Biz insanların öldürüldüyünü nə müşahidə edə bilər, nə də buna yol verə bilərik. Təhlükəsizliyin təhdid olunmasına son qoyulmalıdır”. Onun sözlərinə görə, İraqda dinc vətəndaşların oğurlanması Böyük Britaniyanı və ABŞ-ı qorxuda bilməz.

Hun demişdir: “Biz İraqın bərpa olunmasına çalışan günahsız insanların ekstremistlər, fanatiklər tərəfindən oğurlanmasına, öldürülməsinə yol verə bilmərik”. Onun fikrincə, ölkədə davam etməkdə olan hərbi əməliyyatlar iyunun 30-na planlaşdırılmış hakimiyyət səlahiyyətlərinin İraq hökumətinə verilməsi prosesinə təsir göstərə bilməyəcəkdir.

BÖYÜK BRİTANİYA İRAQA ƏLAVƏ QOŞUN GÖNDƏRƏ BİLƏR

MÜƏLLİFLƏ ƏLAQƏ

Bölmənin digər xəbərləri