Böyük Britaniyada varlılar ölkəni tərk etməyi düşünürlər
London, 20 avqust, AZƏRTAC
Böyük Britaniyada milyonerlərin əhəmiyyətli hissəsi gələcəkdə ölkədən köçməyi planlaşdırır.
AZƏRTAC “Independent”ə istinadla xəbər verir ki, keçirilən yeni sorğunun nəticələrinə görə, britaniyalı milyonerlərin 60 faizi xaricdə daha yaxşı həyat qura biləcəklərinə inanır. Sorğuda iştirak edən min varlı şəxsdən yarıdan çoxu bildirib ki, əgər maliyyə naziri Reyçel Rivz sərvət vergisi tətbiq edərsə, ölkəni tərketmə ehtimalları daha da artacaq.
Sorğunu təşkil edən “Arton Capital” şirkətinin rəhbəri bildirib ki, nəticələr Böyük Britaniyanın hazırda həssas bir məqama çatdığını göstərir. Onun sözlərinə görə, hökumətin yeni daşınmaz əmlak vergisi ilə bağlı planları artıq ictimaiyyətdə ciddi narazılıq doğurub.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
