Böyük Britaniyanın Baş naziri Almaniyada səfərdədir
London, 28 avqust, AZƏRTAC
Böyük Britaniyanın Baş naziri Keir Starmer Böyük Britaniya-Aİ münasibətlərini bərpa etmək məqsədilə Berlinə səfər edib.
AZƏRTAC xəbər verir ki, bu gün o, Almaniya Kansleri Olaf Şolts ilə görüşüb. Liderlərin Ukraynaya dəstək, müdafiə və təhlükəsizlik sahəsində əməkdaşlıq və qeyri-qanuni miqrasiya ilə bağlı birgə tədbirlərin artırılmasını müzakirə edəcəyi gözlənilir. Keir Starmer Olaf Şoltsdan əvvəl Almaniya Prezidenti Frank-Valter Ştaynmayer ilə də görüşüb.
Keir Starmer daha sonra Paralimpiya Oyunlarının açılış mərasimində iştirak üçün Fransaya səfər edəcək. Onun Fransa Prezidenti Emmanuel Makronla görüşü planlaşdırılır.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
