Braziliya qadınlar arasında futbol üzrə DÇ ilə əlaqədar iş qrafikini azaldacaq
Bakı, 19 iyul, AZƏRTAC
Braziliya hakimiyyəti Avstraliya və Yeni Zelandiyada qadınlar arasında keçiriləcək futbol üzrə dünya çempionatı (DÇ) günlərində dövlət qulluqçularının iş qrafikini azaltmaq qərarına gəlib.
AZƏRTAC xarici KİV-ə istinadla xəbər verir ki, bu barədə Braziliyanın İdman Nazirliyi məlumat yayıb.
“Biz qadın futboluna marağı artırmağa üstünlük veririk. Qısaldılmış iş saatı qadın və kişi futbol komandalarının eyni dərəcədə vacib hesab olunması üçün lazımdır”, - deyə nazirliyin şöbə müdiri Anu Moszerdən sitat gətirilib.
Xatırladaq ki, iyulun 20-dən avqustun 20-dək Avstraliya və Yeni Zelandiyada keçiriləcək DÇ-də 32 yığma iştirak edəcək.
Bölmənin digər xəbərləri
