Braziliyanın Azərbaycandakı yeni səfiri etimadnaməsinin surətini xarici işlər nazirinə təqdim edib
Bakı, 24 dekabr, AZƏRTAC
Xarici işlər naziri Elmar Məmmədyarov Braziliya Federativ Respublikasının Azərbaycan Respublikasında yeni təyin olunan səfiri Manuel Adalberto Karlos Monteneqro Lopes da Kruz ilə görüşüb.
Xarici İşlər Nazirliyinin mətbuat xidmətindən AZƏRTAC-a bildiriblər ki, görüşdə tərəflər iki ölkə arasındakı münasibətlərin hazırkı durumunu yüksək qiymətləndiriblər, eyni zamanda, əlaqələrin daha da inkişafı üçün böyük potensialın mövcud olduğunu qeyd ediblər.
Tərəflər Azərbaycan və Braziliya arasında yüksək səviyyəli qarşılıqlı səfər mübadiləsinin ikitərəfli əməkdaşlığın daha da irəli aparılması baxımından vacibliyini bildiriblər.
Səfir Manuel Adalberto Karlos Monteneqro Lopes da Kruz etimadnaməsinin surətini nazir Elmar Məmmədyarova təqdim edib.
Nazir Elmar Məmmədyarov Braziliyanın yeni təyin olunmuş səfirinə diplomatik fəaliyyətində uğurlar arzulayıb.
Bölmənin digər xəbərləri
