Britaniya Kralı Çarlz ictimai vəzifələrinə qayıdıb
London, 31 mart, AZƏRTAC
Britaniya Kralı III Çarlz martın 27-də xərçəng müalicəsi zamanı yaranan yan təsirlərə görə xəstəxanada qısamüddətli müşahidə altına alınmışdı.
AZƏRTAC “Reuters”ə istinadla xəbər verir ki, 76 yaşlı monarx həftəsonu evində dincəldikdən sonra bu həftə ictimai vəzifələrinə qayıdıb.
Qeyd edək ki, Bukinqem sarayının sözçüsü bu cür yan təsirlərin xərçəng müalicəsi alan xəstələr üçün qeyri-adi olmadığını və kralın ümumi müalicə prosesinin müsbət istiqamətdə davam etdiyini bildirib.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
