Britaniyada qeyri-qanuni miqrantları işə götürən şirkətlərə qarşı cərimələr artırılacaq
Bakı, 7 avqust, AZƏRTAC
Böyük Britaniya hökuməti qeyri-qanuni miqrantları işə götürən şirkətlərə qarşı cərimələri üç dəfə artıracaq.
AZƏRTAC xarici KİV-ə istinadla xəbər verir ki, daxili işlər nazirinin müavini Robert Cenrikin sözlərinə görə, qeyri-qanuni miqranlara mənzil kirayə verən ev sahibləri üçün cərimələrin məbləği 10 dəfə artırılacaq.
Cərimələrin artırılması restoran və mehmanxana biznesinə, tikinti sənayesinə, sosial xidmət sahəsinə, habelə avtoyuma və gözəllik salonlarının işçilərinə təsir göstərə bilər.
Daha əvvəl Britaniyanın Baş naziri Rişi Sunak qeyri-qanuni miqrasiya probleminin həllini öz kabinetinin 5 əsas məqsədindən biri adlandırmışdı.
La-Manş kanalı vasitəsilə İngiltərə sahillərinə gələn qeyri-qanuni miqrantların sayı son dörd il ərzində ardıcıl surətdə artır. 2018-ci ildə 299, 2019-cu ildə 1,8 min, 2020-ci ildə artıq 8,4 min, 2021-ci ildə isə 28,5 min nəfər qeyri-qanuni dəniz yolundan istifadə edib. Ötən il bu rəqəm 60 faiz artaraq 45,7 minə çatıb.
Bölmənin digər xəbərləri
