BŞTİ-nin tabeliyindəki məktəblərdə XI sinfi bitirən məzunlara attestat verilir
Bakı, 17 iyun, AZƏRTAC
Bakı Şəhəri üzrə Təhsil İdarəsinin (BŞTİ) tabeliyindəki məktəblərdə XI sinfi bitirən məzunlara attestat verilir.
Təhsil İdarəsindən AZƏRTAC-a bildirilib ki, 2024-2025-ci tədris ilində BŞTİ-nin tabeliyindəki ümumi təhsil müəssisələrinin XI siniflərini 33 min 517 şagird bitirib.
Attestata illik qiymətlər və buraxılış imtahanından tədris dili, riyaziyyat, xarici dil və Azərbaycan dili (dövlət dili kimi) fənlərindən toplanmış ballar yazılır. Tam orta təhsil haqqında attestatda şagirdin bitirdiyi sinfin təmayül istiqaməti də qeyd olunur.
IX sinfi bitirən şagirdlərə isə attetatlar iyunun 23-dən 28-dək veriləcək.
Xatırladaq ki, attestatlar Nazirlər Kabinetinin qərarı ilə təsdiq edilmiş “Ümumi təhsil pilləsində təhsil haqqında dövlət sənədlərinin nümunələri və onların verilməsi Qaydası” əsasında məzunlara təqdim olunur.
Bölmənin digər xəbərləri
