Bu gün MİQ üzrə sonuncu imtahanlar keçiriləcək
Bakı, 15 iyul, AZƏRTAC
Bu gün müəllimlərin işə qəbulu (MİQ) üzrə müsabiqənin test imtahanı mərhələsinin sonuncu günüdür.
Elm və Təhsil Nazirliyindən AZƏRTAC-a bildirilib ki, iyulun 15-də MİQ müsabiqəsinin test imtahanlarına biologiya üzrə 2 121, texnologiya üzrə 2 576, alman dili üzrə 193, rus dili üzrə 886, rus dili və ədəbiyyat fənni üzrə isə 336 namizəd dəvət olunub.
Xatırladaq ki, test imtahanları iyulun 11-dən başlanıb və iyulun 15-dək davam edəcək. Ümumilikdə 58 minə yaxın namizədin iştirak edəcəyi imtahanlar ölkənin 13 şəhəri üzrə 29 imtahan mərkəzində keçirilir. İmtahanda namizədlərə 150 dəqiqə vaxt verilir.
Cari ildə 10 min müəllimin işə qəbulu hədəflənib. Vakansiya seçimində ilk olaraq şəhid ailələrinin üzvləri iştirak edə biləcəklər. Hər müəllim vakansiya seçimində maksimum 8 yer seçə bilər.
Qeyd edək ki, müəllimlərin işə qəbulu üzrə müsabiqənin təşkilində məqsəd savadlı və bacarıqlı müəllimlərin seçilməsidir.
Xatırladaq ki, riyaziyyat fənni üzrə 4400, fiziki tərbiyə və kimya fənləri üzrə 5430 namizəd, tarix və coğrafiya fənləri üzrə 6353, informatika, fizika və fransız dili fənləri üzrə 6627, ibtidai sinif müəllimliyi üzrə 11004, musiqi fənni üzrə isə 3255, Azərbaycan dili və ədəbiyyat üzrə 7187, Azərbaycan dili (rus bölməsi) üzrə 196, ingilis dili üzrə 5635, təsviri incəsənət fənnindən isə 1468 namizəd imtahanlarda iştirak edib.
Bölmənin digər xəbərləri
