Bu il ADPU-dan 4400-dən çox tələbə məzun olur
Bakı, 20 iyun, AZƏRTAC
Bu il Azərbaycan Dövlət Pedaqoji Universitetində (ADPU) filiallar və Azərbaycan Dövlət Pedaqoji Kollec da daxil olmaqla ümumilikdə 4400-dən çox təhsilalanın məzun olması gözlənilir. Bunlardan 2623 nəfəri Bakıda (2347 nəfəri bakalavr, 276 nəfəri magistr), 998 nəfəri filiallarda, 788 nəfəri isə Pedaqoji Kollecdə təhsil alan tələbələrdir. Onlardan 37 nəfəri ADPU-CVU magistr ikili diplom proqramı, 26-sı SABAH magistratura proqramlarının, 45 nəfəri isə bakalavriat səviyyəsi üzrə SABAH qruplarının məzunlarıdır.
Bu barədə AZƏRTAC-a universitetdən məlumat verilib.
ADPU-nun bakalavr məzunlarından 1353 nəfəri magistraturaya ixtisas seçimi hüququ əldə edib. Universitetin builki məzunlarından 50 nəfəri xarici ölkələrin nüfuzlu universitetlərinə magistratura təhsili üçün müraciət edib və bu say artmaqdadır. Eləcə də növbəti tədris ili üçün Pedaqoji Universitetin qəbul planı artaraq bakalavriat səviyyəsində 2705 yerə (filiallarla birgə 3605 yer), magistratura səviyyəsində isə 608 yerə çatıb.
Bölmənin digər xəbərləri
