Bu il Ağcabədidə 50 hektar sahədə yeni meşə salınmışdır
Ağcabədi, 3 noyabr (AZƏRTAC). “Azərbaycan Respublikasında meşələrin bərpa edilməsi və artırılmasına dair” Milli Proqrama uyğun olaraq Ağcabədi rayonunda yeni meşə salınır.
Ağcabədi Rayon İcra Hakimiyyətindən AZƏRTAC-a bildirmişlər ki, cari ildə rayonda 50 hektar sahədə yeni meşə zolağı salınmışdır. 2 hektar sahəyə meşə əkini materialı üçün toxum səpilmiş, 1,5 hektar sahəyə 75 min ting basdırılmış, 2 hektar sahədə isə 83 min şam, sərv və tuya cinslərindən ibarət böyütmə sahəsi yaradılmışdır. Köhnə meşə sahələrinin bərpasına 106 min əkin materialı sərf edilmişdir.
2011-ci ilin 9 ayında 50 hektar meşə sahəsində bərpa işləri aparılmış, 1841,5 hektar meşə və meşə əkinləri suvarılmışdır.
Bölmənin digər xəbərləri
