Bu ilin birinci yarısında özgə əmlakına vurulmuş ziyanın 11,7 milyon manatı ödənilib
Bakı, 19 iyul, AZƏRTAC
Hesabat yarımili ərzində Baş İdarə tərəfindən görülən tədbirlər nəticəsində özgə əmlakına vurulmuş 30 milyon 497 min 159 manat maddi ziyandan 11 milyon 788 min 890 manatının ödənilməsi təmin olunub.
AZƏRTAC xəbər verir ki, bu barədə Baş prokuror yanında Korrupsiyaya qarşı Mübarizə Baş İdarəsində keçirilən geniş əməliyyat müşavirəsində bildirilib.
Qeyd edilib ki, dövlət mülkiyyətinə vurulmuş 19 milyon 4 min 29 manat ziyanın 7 milyon 160 min 911 manatı, xüsusi mülkiyyətə vurulmuş 11 milyon 466 min 351 manat məbləğində maddi ziyanın 4 milyon 627 min 979 manatı ödənilib. Habelə, cinayət məsuliyyətindən azad olunmuş şəxslər tərəfindən mövcud qanunvericiliyin tələbinə uyğun olaraq dövlət büdcəsinə əlavə olaraq 1 milyon 849 min 526 manat məbləğində pul vəsaitinin ödənilməsi və zərərin ödənilməsi məqsədilə istintaqı başa çatdırılmış cinayət işləri üzrə 3 milyon 578 min 752 manat məbləğində əmlak üzərinə həbs qoyulması təmin olunub.
Bölmənin digər xəbərləri
