Bum meşəbəyiliyindəki yanğının söndürülməsi üçün əlavə qüvvələr cəlb olunub
Bakı, 3 sentyabr, AZƏRTAC
Qəbələ Meşə Mühafizəsi və Bərpası Müəssisəsinin Bum meşəbəyiliyinin Abrıx kəndi ətrafındakı meşə sahəsində başlayan yanğın çəkilmiş mineral şum zolaqlarının mövcudluğuna baxmayaraq, güclü külək Dandık, Sulquca kəndləri istiqamətinə keçib.
Ekologiya və Təbii Sərvətlər Nazirliyindən (ETSN) AZƏRTAC-a bildirilib ki, alovun qarşısını almaq üçün hadisə yerinə ETSN və Fövqəladə Hallar Nazirliyinin (FHN) əlavə qüvvələri və texnikası cəlb olunub.
Yüksək dağlıq və çətin relyefi olan meşə sahəsində davam edən yanğının söndürülməsi küləyin yenidən güclənməsi səbəbindən bir qədər də çətinləşib.
Yanğının söndürülməsi üçün ETSN və FHN-in 500-dən çox əməkdaşı mümkün olan bütün vasitələrdən, əsasən əl əməyindən istifadə edirlər.
Bölmənin digər xəbərləri
