“Buz adam” Ötzinin genomu qabaqcıl texnologiya ilə araşdırılıb
Bakı, 17 avqust, AZƏRTAC
“Buz adam” olaraq bilinən Ötzinin genomu qabaqcıl texnologiya ilə araşdırılıb.
AZƏRTAC “SciTechDaily” saytına istinadla xəbər verir ki, onun həmin dövrün digər avropalılarına nisbətən erkən Anadolu fermerləri ilə daha çox ortaq gen paylaşdığı ortaya çıxıb. Yeni kəşf ortaya qoyur ki, Ötzi öldüyü vaxt saçları çox seyrək, yüksək ehtimalla tamamilə keçəl idi, bundan əlavə, onun dərisinin rəngi təxmin ediləndən ən az iki ton daha tünd olub. Genetik olaraq piylənmə və diabetə meyilli bu ilkin insan aktiv həyat tərzi və yaxşı qidalanma hesabına xəstəliklərdən qoruna bilib.
Alimlər on il ərzində ilk dəfə mumiya Ötzinin genomunu tam sıralamağa nail ola biliblər. Bu işdə Maks Plank Təkamül Antropologiyası və Eurac Tədqiqatları İnstitutunun alimləri əvvəldən axıradək birgə çalışaraq uğur qazanıblar.
Tədqiqat nəticəsində Ötzinin xarici görünüşü tam bərpa olunub. Bundan əlavə, tədqiqatçı qrup belə bir nəticə əldə edib ki, qədim avropalıların əvvəl düşünülənin əksinə Şərqi anadolularla daha yaxın genetik bağlılığı olub.
Bölmənin digər xəbərləri
