CAVAD XANIN XATİRƏSİ YAD EDİLMİŞDİR
1802-ci ildə Qafqazın canişini Sisyanov Rusiya imperatoru II Aleksandrdan Gəncəni zəbt etmək barədə əmr alır və şəhərin müharibəsiz təslim edilməsi üçün Gəncə hökmdarı Cavad xana məktub göndərir. Cavad xan Sisyanova kəskin cavabında bildirir ki, o şəhərə ancaq onun meyiti üzərindən keçərək girə bilər. Beləliklə, qanlı döyüşlər başlayır və qüvvələrin qeyri-bərabər olduğu bu döyüşdə Cavad xan və şəhərin on minlərlə sakini qəhrəmancasına həlak olur. Qədirbilən gəncəlilər Azərbaycan xalqının yadellilərlə bu mübarizə səhifəsini unutmur, tariximizin əyilməzlik, məğrurluq dövrünə tez-tez müraciət edirlər.
Azərbaycan dövlət müstəqilliyi əldə etdikdən sonra Cavad xanın məzarı yenidən bərpa edilmiş və əsl ziyarətgaha çevrilmişdir. Şəhər ictimaiyyətinin nümayəndələri işğalçı rus ordusuna qarşı döyüşlərdə qəhrəmanlıq nümunəsi göstərmiş Cavad xanın şəhid olmasının 200 illiyini yanvarın 4-də təntənə ilə qeyd etmiş, məzarı üzərinə tər çiçəklər düzmüş, ruhuna dualar oxumuşlar.
Bölmənin digər xəbərləri
