Ceyhun Səfərov: Aparıcıların üzərinə böyük yük və məsuliyyət düşür
Bakı, 2 aprel, Fidan Əlizadə, AZƏRTAC
Efir mədəniyyət, davranış və nümunəvi həyat tərzidir. Hər bir aparıcının da bu meyarları gözləməsi vacibdir. O, ekranın digər tərəfindəki tamaşaçını görmədən birbaşa ünsiyyət qurur. Tamaşaçı isə tam fərqli, aparıcını görür. Bu səbəbdən aparıcıların üzərinə böyük yük və məsuliyyət düşür.
Bu sözləri AZƏRTAC-a açıqlamasında tanınmış aparıcı, “AzVirt” MMC-nin Baş direktorunun mətbuat və informasiya məsələləri üzrə müşaviri Ceyhun Səfərov deyib.
Onun sözlərinə görə, aparıcı danışığı, yerişi, bir sözlə, efirə ölçülüb-biçilən nə varsa onları həm yaşamalıdır, həm yaşatmalıdır. “Aparıcı efirdən səsləndirdiyi fikirlərin hamı üçün xoş olmasına çalışmamalıdır, bunun bir xəbər kimi, dolğun fikir kimi necə “həzm” ediləcəyinə diqqət ayırmalıdır. Dayaz düşüncə heç kimə uğur gətirməz. Aparıcı daim öz üzərində çalışmalı, öhdəsinə düşən işin fəlsəfəsini dərk etməlidir”,- deyə o əlavə edib.
Bölmənin digər xəbərləri
