Çaylarda suyun səviyyəsi artmışdır
Bakı, 3 may (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a verilən məlumata görə, intensiv yağışlar nəticəsində Balakən-Şəki bölgəsindəki Kişçay, Kürmükçay, Şinçay, Zəyzitçay, Küngütçay, Əyriçay, Başdaşaqılçay, Talaçay, Balakənçay, Katexçay, Mazımçay, Ağçay çaylarında sululuq artmış, Talaçaydan sel keçmişdir.
Son günlər yağışlarla əlaqədar Kür çayında və onun qollarında sululuq artmışdır. Çayın Surra məntəqəsində suyun səviyyəsi 10, Şirvanda 9, Salyanda 11, Bankədə 6, Araz çayının Novruzlu məntəqəsində isə 12 santimetr qalxmışdır.
Hazırda Kürün bütün məntəqələrində suyun səviyyəsi ötən ilin müvafiq dövrü ilə müqayisədə aşağıdır.
Bölmənin digər xəbərləri
