Çaylarda suyun səviyyəsi ötən ilə nisbətən aşağı olmuşdur
Bakı, 26 aprel (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a bildirmişlər ki, aprel ayının üçüncü ongünlüyündə yağışlar nəticəsində dağ çaylarında sululuq artmışdır.
Hazırda Böyük Qafqazın Balakən-Şəki bölgəsi çaylarında sululuq ongünlük normanın 80-120, Quba-Xaçmazda 60-130, Lənkəran-Astarada 50-110, Kiçik Qafqazda 100-110, Naxçıvan MR çaylarında isə 95 faizini təşkil edir.
Kür çayının Qıraqkəsəmən məntəqəsində su sərfi saniyədə 855 kubmetr olmuşdur. Surra, Şirvan, Bankə və Salyan məntəqələrində suyun səviyyəsi 2010-cu ilin müvafiq dövrü ilə müqayisədə aşağı olmuşdur.
Araz çayının Novruzlu məntəqəsində isə 373 santimetr olmaqla ötən il mayın 21-də qeydə alınmış səviyyəyə (734 santimetr) çatmamışdır.
Bölmənin digər xəbərləri
