Çin 16 ölkədən olan “qardaşlaşmış şəhər”lərə koronavirusla əlaqədar yardımlar göndərib
Pekin, 20 mart, AZƏRTAC
Çinin müxtəlif vilayət və şəhərlərinin hökumətləri yeni növ koronavirus (COVID-19) pandemiyasına qarşı mübarizə məqsədilə 16 ölkədən olan “qardaşlaşmış şəhər”lərə yardımlar göndərib.
AZƏRTAC Çin Xarici İşlər Nazirliyinin yaydığı məlumata istinadla xəbər verir ki, yardım göndərilən ölkələr arasında Cənubi Koreya, Yaponiya, İtaliya, Pakistan, Fransa, İsveçrə, Almaniya da var. Yardımlar tibbi ləvazimatlardan, o cümlədən maskalar, qoruyucu geyimlər, analiz üçün dəstlərdən ibarətdir. Bununla yanaşı, Çin müəssisələri Cənubi Koreya, İran və İtaliya kimi ölkələrdə yerli hakimiyyət orqanlarına, Qırmızı Xaç Cəmiyyəti və digər təşkilatlara epidemiyanın profilaktikası üçün lazımi vəsait hədiyyə ediblər.
Çin hərbçiləri isə İran Silahlı Qüvvələrinə tibbi ləvazimatlardan ibarət yardım göndəriblər.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
