Çin Rusiyadan neft idxalını azaldıb
Bakı, 20 iyun, AZƏRTAC
2025-ci ilin ilk beş ayı ərzində Çin Rusiyadan 40,763 milyon ton neft idxal edib ki, bu da ötən ilin müvafiq dövrü ilə müqayisədə 12,7 faiz azdır.
AZƏRTAC xəbər verir ki, bu barədə Çin Baş Gömrük İdarəsi məlumat yayıb.
Məlumata görə, cari ilin ilk beş ayı ərzində Rusiyadan neft tədarükü pul ekvivalentində 21 milyard dollar təşkil edib. May ayında isə Çin Rusiyadan 2024-cü ilin eyni dövrü ilə müqayisədə 5,95 faiz az - 8,38 milyon ton neft alıb.
Mayın sonunda Pekin ABŞ-ın ikinci dərəcəli sanksiyalarından ehtiyatlandığı üçün Rusiyadan 2,1 milyon barel neftdaşıyan tankeri qəbul etməyib. Eyni zamanda, neftə tələbatın azalması tədarüklərə öz təsirini göstərib.
Son zamanlar Asiya ölkələrinə karbohidrogen tədarükündə Rusiya ilə rəqabət aparmağa başlayan Malayziya Səudiyyə Ərəbistanını sıxışdıraraq Çin bazarında ikinci yerə yüksəlib.
Bölmənin digər xəbərləri
