Çinin Tibet bölgəsində 5,9 bal gücündə zəlzələ olub
Pekin, 20 mart, AZƏRTAC
Çinin Tibet muxtar bölgəsində 5,9 bal gücündə zəlzələ olub.
AZƏRTAC Çin Seysmoloji Mərkəzinə istinadla xəbər verir ki, yeraltı təkanlar yerli vaxtla səhər saat 9:33-də (Bakı vaxtı ilə 5:33) Siqacı şəhərində qeydə alınıb. Zəlzələ ocağı yer səthindən 10 kilometr dərinlikdə olub.
Tələfat və dağıntı barədə məlumat yoxdur. Mülki müdafiə qüvvələri hazır vəziyyətə gətirilib.
Yeraltı təkanlar Siqacı tabeliyindəki Tinqri dairəsində hiss olunub. Lakin evlərin uçması, nəqliyyat və kommunikasiyaların xətərinin zərər görmədiyi bildirilir. Yerli hökuməti daha ətraflı məlumat toplamaq üçün yaşayış məntəqələrinə nümayəndələr göndərib.
Çinin Nepal ilə sərhədin yaxınlığında yerləşən Tinqri ərazisinin çox hissəsi Comolunqma təbiət qoruğuna aiddir.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
