“Crocus City Hall”ın sahibi olan şirkət konsert zalının bərpa ediləcəyini bildirib
Bakı, 24 mart, AZƏRTAC
“Crocus City Hall”ın sahibi olan “Crocus International” şirkəti terror aktı ilə əlaqədar dərin hüznlə başsağlığı verib və konsert zalının bərpa olunacağını bəyan edib.
AZƏRTAC TASS-a istinadla xəbər verir ki, şirkətin saytında yerləşdirilən mesajda deyilir: “Terrorçuların qurbanı olanları heç vaxt unutmayacağıq. Onların çirkli əlləri ilə dağıdılanlar bərpa olunacaq”.
Qeyd edək ki, martın 22-də Moskvadakı “Crocus City Hall”da terror aktı törədilib. İndiyədək olan məlumata görə, terror aktı nəticəsində 133 nəfər ölüb, yüzdən çox yaralı var.
Bölmənin digər xəbərləri
