CÜDO FEDERASİYASINDA MƏTBUAT KONFRANSI
AZƏRTAC-ın müxbiri xəbər verir ki, konfransı federasiyanın prezidenti Füzuli Ələkbərov açaraq ölkəmizdə idmana dövlət qayğısından danışmış, cüdoçularımızın olimpiadada səylə mübarizə apardıqlarını qeyd etmiş, Mehman Əzizovun, Mövlud Mirəliyevin medallara çox yaxın olduğunu vurğulamışdır. O, əmin olduğunu bildirmişdir ki, cüdocuların əzmkarlığı Pekin Olimpiadasında öz bəhrəsini verəcəkdir.
Gənclər, idman və turizm nazirinin müavini Asif Əsgərov idmanın cüdo növünün inkişafı üçün federasiyanın ciddi işlər gördüyünü bildirmiş, idmançılara gələcək yarışlarda uğurlar arzulamışdır.
Füzuli Ələkbərov federasiya adından idmançılara və onların məşqçilərinə pul mükafatları təqdim etmişdir. Mehman Əzizov 20 min, Mövlud Mirəliyev 15 min, komandanın baş məşqçisi Ağayar Axundzadə 10 min, məşqçi Hacıağa Hacıəhmədov 5 min ABŞ dolları məbləğində mükafat almışlar.
Federasiyanın təmsilçiləri KİV nümayəndələrinin suallarına cavab vermişlər.
Bölmənin digər xəbərləri
